ՀԻՄՆԱԿԱՆ ԱՌԱՆՁՆԱՀԱՏԿՈՒԹՅՈՒՆՆԵՐ

Պատահարների կանխարգելման հետազոտության ոլորտում մեր առաջատար դիրքի շնորհիվ՝ ES-ը համալրված է մի շարք անվտանգության հատկություններով՝ վարման ժամանակ ձեր և ձեր հաճախորդների անվտանգությունն ապահովելու համար: Այդ հատկությունները ներառում են տաս ներկառուցված անվտանգության բարձիկներ, ինչպես նաև Վզի և ողնաշարի վնասվածքները կանխարգելող առջևի նստատեղեր, Կույր գոտիների մոնիտոր, որը հայտնաբերում և զգուշացնում է հայելիներում չերևացող մեքենաների մասին, և Թիկունքից մոտեցող մեքենաների զգուշացման համակարգ, որը նախազգուշացնում է ավտոկայանատեղիում թիկունքից մոտեցող մեքենաների մասին:

ՀԻՄՆԱԿԱՆ ԱՌԱՆՁՆԱՀԱՏԿՈՒԹՅՈՒՆՆԵՐ

Նոր ES-ով ճամփորդելը հատուկ զգացողություն է պարգևում: Այն ոչ միայն բացառիկ անաղմուկ է, այլև ապահովում է հետևի նստատեղերի ավելի լայնարձակ տարածք, քան լյուքս դասի շատ առաջատար սեդաններ: Այն ձեռք է բերվել մեքենայի անվային բազայի ընդլայնման և առջևի նստատեղերի թիկնակների խելացի դիզայնի շնորհիվ` ոտքերի համար ապահովելով լրացուցիչ տարածք: Նրբագեղորեն պաստառված կաշվե նստատեղերը, որ այժմ մատչելի են նաև Տպազիոն շագանակագույնով, հիանալիորեն համակցվում են Շիմամոկու փայտյա ներդիրների հետ: Առավել հարմարավետության համար հետևի ձեռնատակում ներկառուցված է կառավարներով վահանակ` օդորակման և 15 բարձրախոսով Mark Levinson® աուդիոհամակարգի համար: Առանձնության մեջ հանգստանալու համար պարզապես փակեք հետևի դռան վարագույրները կամ հետևի մեխանիկական արևապաշտպան քողը:

ՀԻՄՆԱԿԱՆ ԱՌԱՆՁՆԱՀԱՏԿՈՒԹՅՈՒՆՆԵՐ

Նոր ES-ի ղեկին նստելուն պես անմիջապես կզգաք դրա վարման գերազանց հարմարավետությունը, սահունությունը և ճշգրիտ կառավարումը: Դրա թափքը` անհավանական ամուր ամրաշրջանակով, կառուցվել է լազերային զոդման և սոսնձման նորարարական տեխնոլոգիաների կիրառմամբ` հանգեցնելով աղմուկի և ցնցումների նվազեցման: Ավելին, մեքենայի ցածր պրոֆիլի ու խցիկի աստիճանաբար նեղացող եզրերի շնորհիվ` այն ունի դասի մեջ ամենաաերոդինամիկ դիզայնը: Դա ոչ միայն նպաստում է վառելիքի առավել խնայողությանը, այլև զգալիորեն նվազեցնում քամու աղմուկը` դարձնելով այն մայրուղիներում վարման համար կատարյալ մեքենա:

ԼԻԱԿԱՏԱՐ ՀԱՐՄԱՐԱՎԵՏՈՒԹՅՈՒՆ

Նոր ES-ի ղեկին նստելուն պես անմիջապես կզգաք դրա վարման գերազանց հարմարավետությունը, սահունությունը և ճշգրիտ կառավարումը: Դրա թափքը` անհավանական ամուր ամրաշրջանակով, կառուցվել է լազերային զոդման և սոսնձման նորարարական տեխնոլոգիաների կիրառմամբ` հանգեցնելով աղմուկի և ցնցումների նվազեցման: Ավելին, մեքենայի ցածր պրոֆիլի ու խցիկի աստիճանաբար նեղացող եզրերի շնորհիվ` այն ունի դասի մեջ ամենաաերոդինամիկ դիզայնը: Դա ոչ միայն նպաստում է վառելիքի առավել խնայողությանը, այլև զգալիորեն նվազեցնում քամու աղմուկը` դարձնելով այն մայրուղիներում վարման համար կատարյալ մեքենա:

ՀԱՄԱՐՁԱԿ ԴԻԶԱՅՆ

Նոր ES-ը միավորում է անբիծ նրբագեղությունը Lexus-ի առավել համարձակ ճակատային ցանցի հետ: Պրոֆիլի երկարավուն և շրջահոսելի սրահի հատվածը` նոր նախագծված 17 դյույմ ալյումինե սկավառակներով, յուրահատուկ տեսք է տալիս մեքենային, ինչպես նաև բացառիկ ընդարձակություն ապահովում մինչև հինգ ուղևորների համար: : Հետևում` բյուրեղաձև լուսադիոդային համակցված լուսարձակները ցուցադրում են Lexus-ի "L" խորհրդանշանը, իսկ ES 350-ի միակցված զույգ արտանետման խողովակները լրացնում են ներկայացուցչական դասի այս նոր սեդանի դինամիկ պատկերը:

ԱՌԱՋԱՏԱՐ` ԲՆԱՊԱՀՊԱՆՈՒԹՅԱՆ ՈԼՈՐՏՈՒՄ

Վառելիքի սպառումը և վնասակար արտանետումները նվազեցնելու նպատակով` ES-ն առաջարկում է մաքուր և էներգախնայող շարժիչների ընտրություն: Պտտման ցածր դիմադրության անվադողերն ու ECO ռեժիմը, շարժիչի Start / Stop տեխնոլոգիան ES MC 350-ում և կատարելագործված աերոդինամիկան ավելի են նպաստում շրջակա միջավայրի պաշտպանությանը: Իրականում մեքենան ամբողջովին նախագծված է` շրջակա միջավայրի վրա նվազագույն ազդեցություն ունենալու համար. կենաֆ օրգանական բաղադրանյութն օգտագործվում է դռների հարդարանքի և բեռնման ներդիրների համար, իսկ մեքենայի շահագործման ավարտին դրա մինչև 85%-ը հնարավոր է վերամշակել` շնորհիվ մասերի խելացի կոդավորման:

17 ԴՅՈՒՅՄ ԱԼՅՈՒՄԻՆԵ ՍԿԱՎԱՌԱԿՆԵՐ

Երկու 17 դյույմանոց ալյումինե սկավառակները կանխամտածված կերպով տպավորիչ արտաքին տեսք են հաղորդում նոր ES-ին: Ճշգրտորեն ձուլված ալյումինից (այնուհետև կառուցված 20 ճաղանի տարբերակի վրա)` երկու սկավառակներն էլ ունեն 215/55 R17 պտտման ցածր դիմադրության անվադողեր, որոնք կայունություն են ապահովում անկյունադարձերի վրա և նպաստում CO₂-ի ավելի քիչ արտանետումների և վառելիքի խնայողության:

3.5 ԼԻՏՐ V6 ԲԵՆԶԻՆԱՅԻՆ ՇԱՐԺԻՉ

Նոր ES 350-ն առջևի անիվներին ապահովում է 346 Նմ ոլորող մոմենտ և 249 ձիաուժ հզորություն: Դա նպաստում է կայուն ու ճշգրիտ վարմանը բոլոր եղանակներին և հատկապես ձմռանը, երբ ճանապարհային պայմանները կարող են շատ ավելի անբարենպաստ լինել: V6 շարժիչն համալրված է Գազաբաշխման փուլերի կարգավորման ինտելեկտուալ համակարգով (VVT-i), որն ինքնաշխատորեն կարգավորում է ներթողման ու արտանետման փականների աշխատանքը` օպտիմալ հզորության մատակարարման և շարժիչի արդյունավետության համար: Արհեստական Intelligence-Shift (Խելացի փոխանցում) համակարգն իրականացնում է արագությունների լիովին ինքնաշխատ փոխանցումներ` հետևելով ձեր վարման ոճին ու ճանապարհային պայմաններին և համապատասխանաբար կարգավորելով փոխանցումները:

ՇՔԵՂ ՆԵՐՔԻՆ ՀԱՐԴԱՐԱՆՔ

Նորովի նախագծված ղեկի և գործիքների դիմաց` վարորդի շքեղ կաշվե նստատեղն ունի դիրքի փոփոխման 10 եղանակ, իսկ եռագոտի օդորակման համակարգը կլիմայի անհատական կարգավորում է ապահովում վարորդի և ուղևորների համար: Կլիմայի կարգավորման մեկ այլ առաջադեմ տեխնոլոգիա է հանդիսանում nanoe® տեխնոլոգիան, որը սրահ է արտազատում միկրոսկոպիկ իոններ` նստատեղերն ու պաստառները հոտազերծելու համար: Այդ իոնները նաև առողջարար, խոնավեցնող ազդեցություն են ունենում մաշկի և մազերի վրա: Չափազանց ցուրտ ձմեռներին լրացուցիչ տաքության համար առաջարկվում է նաև բարձր արտադրողականության փոխարկիչ: Դրանից սնուցվում են այնպիսի սարքավորումներ, ինչպիսիք են` դիմապակու հակասառեցուցիչը, ղեկի տաքացուցիչը և նստատեղերի ջեռուցիչները:

ՀԻՄՆԱԿԱՆ ԱՌԱՆՁՆԱՀԱՏԿՈՒԹՅՈՒՆՆԵՐ

Տրամադրված ստանդարտ փաթեթի մեջ` մոտակա լուսավորության լուսադիոդային տեխնոլոգիան ապահովում է գիշերային բարելավված տեսանելիություն, իսկ հալոգենային լուսարձակները` հեռվի լուսավորությունը: Ավելին` LED ցերեկային լույսերն ստեղծում են կատարելագործված արտաքին տեսք և ապահովում, որ նոր ES-ը միշտ հեշտությամբ նկատվի այլ երթևեկող մեքենաների կողմից:

LEXUS-Ի ՈՐԱԿ

Նոր ES-ը լիովին վերասահմանում է բարձր որակի մասին պատկերացումները: Օրինակ` դրա փայլեցված լաքաներկային ծածկույթի համար օգտագործվում է մեր LS առաջատար մոդելում կիրառված միևնույն ինքնանորոգվող բարդ տեխնոլոգիան: Թափքի այս զարմանահրաշ անբիծ փայլն ստանալու համար լաքաներկային ծածկույթի յուրաքանչյուր շերտը հղկվում է ձեռքով (ժամանակատար գործընթաց, որը սովորաբար արվում է հատուկ պատվերով մեքենաների համար), ինչպես նաև ստուգվում է տեսողական և թվային եղանակներով՝ համոզվելու, որ ծածկույթը կատարյալ է: Սրահի նույնքան տպավորիչ փայտե ներդիրները խնամքով մշակված և փայլեցված են Yamaha դաշնամուրների արտադրական բաժնում: Կառուցված մեր Կյուշու Eco գործարանում` ES-ի ողջ արտադրական գործընթացը վերահսկվում է Lexus-ի "Տակումի" վարպետների կողմից:

MARK LEVINSON® ՁԱՅՆԱՅԻՆ ՀԱՄԱԿԱՐԳ

Համալրված ամբողջությամբ թվային 125 Վ ուժեղացուցիչով և 15 բարձրախոսներով` Mark Levinson® Premium Surround ձայնային համակարգն ապահովում է բարձր տարլուծում, 360° ստերեոսկոպիկ, տնային կինոթատրոնի բնական հնչողություն: Բոլոր 15 բարձրախոսներում կիրառված է GreenEdgeTM տեխնոլոգիան: Այն թույլ է տալիս կրկնապատկել նախկին տարբերակների կողմից ծախսվող էներգիայի միևնույն քանակության դիմաց արտադրվող ձայնը:

ՂԵԿԻ ԸՆՏՐՈՒԹՅՈՒՆ

ES-ի համար նախագծվել է կաշվե հարդարանքով նոր եռաթև ղեկ: Գերազանց հպումային արձագանքմամբ և վարելու համար հաճելի` դրանում ներկառուցված են ձայնի, ցուցադրման, հեռախոսի և ձայնային հրահանգների ստեղներ` անմիջապես բթամատի ծայրերի տակ: Որպես այլընտրանք` այն կարող է պատվիրվել նաև կաշվի և իսկական բամբուկի կամ շաքարային թխկիի դիզայնի համադրությամբ: Առավել առանձնահատուկ դիզայնի համար` ձեր նոր ES-ի համար կարող եք պատվիրել կաշվի և շիմամոկու փայտի հարդարանքով ղեկ:

ԹԻԿՈՒՆՔԻՑ ՄՈՏԵՑՈՂ ՄԵՔԵՆԱՆԵՐԻ ԶԳՈՒՇԱՑՄԱՆ ՀԱՄԱԿԱՐԳ

Թիկունքից մոտեցող մեքենաների զգուշացման ֆունկցիան օգտվում է Կույր գոտիների մոնիտորի ռադիոլոկացիոն համակարգից՝ ավտոկայանատեղիում մեքենայի հետևից մոտեցող այլ մեքենաներին հայտնաբերելու համար: Անհրաժեշտության դեպքում այն զգուշացնում է ձայնային ազդանշանով և կողային հայելիների տեսողական ազդանշաններով:

ԱԵՐՈԴԻՆԱՄԻԿԱ

Նոր ES-ն օժտված է գերազանց աերոդինամիկայով` շնորհիվ ցածր, շրջահոսելի սրահի և աստիճանաբար նեղացող կողային պատուհանների հատվածի: Այլ աերոդինամիկ նորամուծություններ են գրեթե տափակ հատակը` օդի հոսքի ավելի արդյունավետ կառավարման համար, և դռների հայելիների ու հետևի լուսարձակների փոքրիկ կողային ելուստները: Ընդօրինակած Formula One-ի մրցարշավային մեքենաներից` այս ելուստներն ստեղծում են օդային հողմապտույտներ ES-ի կողային հատվածներն ի վար, որոնք դեպի ներս են քաշում հիմնական օդային հոսքերը՝ նվազեցնելով մեքենայի շուրջը «սահմանային շերտի» կամ օդի գոյացումը: Մանրուքների նկատմամբ այս անհավանական ուշադրությունը ոչ միայն կատարելագործում է կայունությունն ու կառավարումը, այլև նպաստում է վառելիքի խնայողությանը և նվազեցնում քամու աղմուկը:

LEXUS SAFETY SYSTEM + ՀԱՄԱԿԱՐԳՆ ՕԳՏԱԳՈՐԾՈՒՄ Է ՄԻԼԻՄԵՏՐԱԼԻՔԱՅԻՆ ՌԱԴԻՈԼՈԿԱՑԻՈՆ ՏԵԽՆՈԼՈԳԻԱ ԵՎ ՏԵՍԱԽՑԻԿ` ԱՌՋԵՎԻ ՎՏԱՆԳՆԵՐԸ ՀԱՅՏՆԱԲԵՐԵԼՈՒ ՀԱՄԱՐ:

Նոր ES-ն այժմ կարող է պատվիրվել մեր բեկումնային Lexus Safety System + համակարգով: Այն ներառում է Pre-Crash համակարգ` հետիոտների հայտնաբերմամբ, Շարքի պահպանման աջակցում` օգնելու չշեղվել երթևեկության շարքից, Automatic High-beam համակարգ` գիշերվա ընթացքում բարելավված տեսանելիության համար և Ադապտիվ կրուիզ կոնտրոլ, որը կարգավորում է արագությունը` առջևից ընթացող մեքենայի արագության համեմատ:

ERA-GLONASS

Նախագծված ձեր անվտանգության ապահովման նպատակով՝ ERA-GLONASS համակարգը տրամադրում է ձեռքով կամ ավտոմատ կերպով կատարվող արտակարգ զանգի հնարավորություն:

Արտակարգ զանգի կոճակը հնարավորություն է տալիս անմիջապես շտապ օգնություն կանչել, եթե ճանապարհին որևէ պատահարի մեջ եք հայտնվել:

Երբ միացված է ավտոմատ ռեժիմը, համակարգը շտապ օգնության ծառայությունների հետ կապ է հաստատում՝ բախման ժամանակ անվտանգության բարձիկների բացվելուն պես: Խելացի համակարգը տրամադրում է նաև ձեր ճշգրիտ տեղադրությունը և տվյալները: