Lexus
ՇԱՐՈՒՆԱԿԵԼՈՒ ՀԱՄԱՐ ՊՏՏԵՑՐԵՔ ՆԵՐՔԵՎ

LEXUS ԱՆՎՏԱՆԳՈՒԹՅԱՆ ՀԱՄԱԿԱՐԳ+

ՎԱՅԵԼԵՔ ԱԿՏԻՎ ԱՆՎՏԱՆԳՈՒԹՅՈՒՆԸ ՅՈՒՐԱՔԱՆՉՅՈՒՐ ՃԱՄՓՈՐԴՈՒԹՅԱՆ ԸՆԹԱՑՔՈՒՄ

Մարդու տեսողությունը ուշագրավ է: Սակայն այն սահմանափակ է և կարող է երբեմն աղավաղվել տեսողական խաբկանքների հետևանքով: Իմացեք, թե ինչպես է նախագծված Lexus Safety System Plus համակարգը՝ ղեկին գտնվելու ժամանակ ձեր զգայարաններին աջակցելու համար: Խելացի աջակցություն շրջապատի հստակ ընկալման և վստահ վարման համար:

ՍՊԱՍԵՔ. ԳՈՐԾԱՌՈՒՅԹԸ ԲԵՌՆՎՈՒՄ Է

Ընկալումը կարող է աղավաղվել
օպտիկական խաբկանքներով

երբ կարող է թվալ, որ զուգահեռ գծերը թեքվում են

բայց ճանապարհին

Lexus-ը օգնում է ձեզ մնալ երթևեկության շարքում

ԵՐԹԵՎԵԿՈՒԹՅԱՆ ՇԱՐՔԻ ՓՈՓՈԽՄԱՆ ԶԳՈՒՇԱՑՈՒՄ ԵՎ ՇԱՐՔԻ ՊԱՀՊԱՆՄԱՆ ԱՋԱԿՑՈՒՄ

ՄԻ ՇԵՂՎԵՔ ՈՒՂՈՒՑ

Նույնիսկ ամենակենտրոնացած վարորդները կարող են շեղվել: Եթե սկսեք շեղվել շարքից, ապա կմիջամտի Երթևեկության շարքի փոփոխման զգուշացման համակարգը՝ ձեզ ճիշտ ուղու վրա պահելու համար: Ղեկը թեթևակիորեն թրթռում է, և մեղմ ձայնային ու լուսային ազդանշանները առաջարկում են ձեզ ուղղել ձեր ճանապարհը: Վարեք անվրդով հանգստությամբ, հատկապես մայրուղիներին և երկար ճամփորդությունների ընթացքում:

ԿԱՐԴԱԼ ԱՎԵԼԻՆ

ՎԵՐԱՀՍԿՎՈՂ ՈՒՂՂՈՐԴՈՒՄ

Խելացի տեսախցիկը հայտնաբերում է ճանապարհի սպիտակ ու դեղին նշանները: Եթե շեղվում եք ուղուց, ավտոմատ կերպով ակտիվանում է տեսաձայնային ազդանշան: Իսկ եթե ցանկանաք, Շարքի պահպանման աջակցման համակարգը ղեկը հակառակ վարելու լրացուցիչ միջամտություն կցուցաբերի, որպեսզի սահուն կերպով վերադառնաք երթևեկության շարք:

Այս յուրահատկությունները զգոն և ուշադիր կերպով գործում են համատեղ՝ աջակցելով կենտրոնացած վարմանը երկար ժամանակի ընթացքում: Ղեկակառավարումը պահանջում է ավելի քիչ ջանքեր: Երթևեկության շարքի փոփոխման զգուշացման և Շարքի պահպանման աջակցման համակարգերը ձեր աչքերի հուսալի նեցուկն են ցանկացած ժամանակ:

ԵՏ

Գիշերվա ժամերին

հեռավոր լույսի հզոր լուսարձակները

ինչպես այս իլյուզիոն պատկերի պարող կետերը

կարող են կուրացնել այլ վարորդներին

Lexus-ը ավտոմատ կերպով շեղում է այդ լուսարձակումը

ԱՎՏՈՄԱՏ ՀԵՌԱՎՈՐ ԼՈՒՅՍ ԵՎ ԱԴԱՊՏԻՎ ՀԵՌԱՎՈՐ ԼՈՒՅՍԻ ՀԱՄԱԿԱՐԳ

ԽԵԼԱՑԻ
ԼՈՒՍԱՎՈՐՈՒԹՅՈՒՆ

Գիշերային վարումը կյանքի զուտ զգացմունքային հաճույքներից մեկն է, սակայն գիշերվա մեջ կողմնորոշվելը նոր մարտահրավերներ է առաջադրում: Մեր տեխնոլոգիաները աջակցում են ձեր տեսողությանը՝ ապահովելով ձեր և այլ վարորդների անվտանգությունը: Ավտոմատ հեռավոր լույսը միանում և անջատվում է՝ ըստ անհրաժեշտության: Ադապտիվ հեռավոր լույսի համակարգը բարձրացնում է այն հաջորդ մակարդակին՝ խելացիորեն քողարկելով լուսարձակները հանդիպակաց մեքենաների համար, մինչդեռ շրջակա տարածքները մնում են լիակատար լուսավորված:

ԿԱՐԴԱԼ ԱՎԵԼԻՆ

ՎՍՏԱՀՈՒԹՅՈՒՆ ԳԻՇԵՐՎԱ ԸՆԹԱՑՔՈՒՄ

Ավտոմատ հեռավոր լույսի համակարգը խելացի սենսորների օգնությամբ ձեզնից մի քանի քայլ առաջ է ընկնում՝ որոնելով և տեսնելով այն, ինչ մարդու աչքերն անմիջապես չեն նկատում: Դիմապակու վրա տեղադրված տեսախցիկներն արագորեն հայտնաբերում են թե´ հանդիպակաց մեքենաների առջևի լուսարձակները և թե´ ձեր դիմացից ընթացող մեքենաների հետևի լուսարձակները՝ կռահողական կերպով փոխարկելով բարձր և ցածր լուսավորության միջև:

Ադապտիվ հեռավոր լույսի համակարգը լուսավորում է ճանապարհը, սակայն ստվերում է մեքենաներին: Տեսախցիկը հետևում է մեքենայի ընթացքին՝ ճշգրիտ ստվերում կատարելու համար: Երկու համակարգերն էլ բարելավում են ձեր բնական տեսողությունը՝ միաժամանակ չկուրացնելով այլ վարորդների: Բախման վտանգը նվազեցված է: Երբ արևը մայր է մտնում, ձեր տեսողությունն աջակցություն է ստանում:

ԵՏ

Միշտ չէ, որ տեսանելիությունը լիակատար է լինում

ձեր տեսանելիության գիծը կարող է շեղվել

բացահայտելով թաքնված վտանգներ

ուստի Lexus-ը ձեր փոխարեն տեսնում է այդ «կույր կետերը»

ԿՈՒՅՐ ԳՈՏԻՆԵՐԻ ՄՈՆԻՏՈՐ

ԱՎԵԼԻ ՀՍՏԱԿ
ՏԵՍԱՆԵԼԻՈՒԹՅՈՒՆ

Մարդը լիարժեք զարգացած պերիֆերիկ տեսողություն չունի, ուստի Կույր գոտիների մոնիտորը տրամադրում է անհրաժեշտ աջակցությունը: Նախատեսված լինելով հարակից շարքերից մոտեցող մեքենաների հայտնաբերման համար՝ այն զգուշացնում է, երբ մոտ է շարժվում այլ մեքենա: Պահպանեք ձեր հանգստությունը և փոխեք երթևեկության շարքերը լիակատար վստահությամբ:

ԿԱՐԴԱԼ ԱՎԵԼԻՆ

ՆԱԽԱՊԵՍ ԻՄԱՑԵՔ ԱՅԼ ՄԵՔԵՆԱՆԵՐԻ ՄԱՍԻՆ

Խելացի սենսորներով զինված Կույր գոտիների մոնիտորը ձեր փոխարեն հետազոտում է ճանապարհը՝ հայտնաբերելով այնպիսի տարածքներ, որոնք դուք դժվարությամբ կպահեիք ձեր տեսադաշտում: Այն աջակցում է ձեզ շարքերը փոխելիս՝ ապահովելով որ ձեր «կույր գոտում» գտնվող մեքենաները չանտեսվեն:

Այն օգնում է նաև մեքենան կայանելիս: Թիկունքից մոտեցող մեքենաների արգելակման համակարգը օգնում է ձեզ մանևրել՝ տեղյակ պահելով ցանկացած կողմից ձեր ճանապարհին հայտնվող մեքենաների մասին: Եթե այն զգում է բախման վտանգ, ապա աջակցում է ձեզ՝ գործադրելով արգելակները: Ավելի հստակ ու լայն տեսանելիության շնորհիվ դուք արագորեն կարձագանքեք ցանկացած իրավիճակում:

ԵՏ

Մեր տեսողությունը զարգացել է հեռավորությունը գնահատելու համար

սակայն այն կարող է սխալվել

երկու հորիզոնական գծերը

նույն երկարությունն ունեն

Lexus-ն աջակցում է ձեր հեռավորության ընկալմանը

ձեր արագությունը կռահողական կերպով հարմարեցնելով առջևից ընթացող երթևեկությանը

ԱԴԱՊՏԻՎ ԿՐՈՒԻԶ ԿՈՆՏՐՈԼ ԵՎ ՆԱԽԱԲԱԽՄԱՆ ՀԱՄԱԿԱՐԳ

ՎԱՐՄԱՆ
ՎՍՏԱՀՈՒԹՅՈՒՆ

Մարդկային դատողությունը հզորանում է, երբ միավորվում է վարման խելացի համակարգերի հետ: Ադապտիվ կրուիզ կոնտրոլը որոշում է ձեր և առջևում ընթացող մեքենաների միջև հեռավորությունը և համապատասխանաբար կարգավորում ձեր արագությունը, իսկ Նախաբախման համակարգը հայտնաբերում է առջևում գտնվող մեքենաներին ու խոչընդոտներին: Այն նախազգուշացնում է ձեզ հավանական բախման դեպքում և ավտոմատ արգելակում է, եթե որևէ գործողություն չեք ձեռնարկում: Քանի որ նվազում է անորոշությունը, դուք կարող եք վարել լիակատար վստահությամբ:

ԿԱՐԴԱԼ ԱՎԵԼԻՆ

ՀԱՆԳՍՏԱՑԵՔ ԵՐԿԱՐ ՃԱՄՓՈՐԴՈՒԹՅՈՒՆՆԵՐԻ ԸՆԹԱՑՔՈՒՄ

Ադապտիվ կրուիզ կոնտրոլը և Նախաբախման համակարգն օգտագործում են միլիմետրալիքային ռադիոլոկացիոն տեխնոլոգիա՝ ճանապարհը գնահատելու համար: Ձեր արագությունը կարգավորվում է. այն վերահսկվում է նախապես որոշված ընդգրկույթի սահմաններում՝ համապատասխանեցնելով այլ վարորդների ընթացքին: Հնարավոր բախման դեպքում դուք զգուշացվում եք, իսկ եթե բախումը գնահատվում է անխուսափելի, ավտոմատ կերպով գործադրվում են արգելակները:

Ադապտիվ կրուիզ կոնտրոլի և Նախաբախման համակարգի աջակցությամբ՝ դուք կարող եք վստահ լինել, որ ճանապարհի ամեն մետրը գծագրված է ձեզ համար: Երկար մեքենավարումը դառնում է ավելի քիչ հոգնեցուցիչ, և հանկարծակի արգելակելու անհրաժեշտություն հազվադեպ է առաջանում: Մի անհանգստացեք և վայելեք մտքի խաղաղություն ձեր բոլոր ճամփորդությունների ընթացքում:

ԵՏ

ԱՆՎՏԱՆԳՈՒԹՅԱՆ ԱՊԱԳԱՅԻ ՏԵՍԼԱԿԱՆԸ

ՀԵՏԱԳԱ ՈՒՂԻՆ

Առաջին Lexus LS-ը թողարկվեց 28 տարի առաջ: Այն աչքի էր ընկնում շքեղությամբ և արժանացավ գովասանքի իր արտադրողականության, սահունության, անաղմուկ վարման, կառուցման որակի և հուսալիության համար:

Այժմ 2018 թվականին նախատեսվող լիովին նոր LS-ը գալիս է բերելու մեկ այլ հեղափոխություն: Lexus Safety System+․ առաջատար նոր տեխնոլոգիա, որը ներառում է հետիոտնի հայտնաբերման աշխարհում առաջին ինտուիտիվ համակարգը: Մեր առաջատար սրահը ազդարարում է վարորդի ինտելեկտուալ աջակցման նոր դարաշրջան:

ԱՆՎՏԱՆԳՈՒԹՅԱՆ ՏԵԽՆՈԼՈԳԻԱՆԵՐԻ ԱՊԱԳԱՆ

ՆՈՐ LS-Ը

ԻՆՏԵԼԵԿՏՈՒԱԼ ՎԵՐԱՀՍԿՈՒՄ

Անվտանգության առաջատար ակտիվ համակարգերը LS-ին ավելի իրազեկ են դարձնում իր շրջապատի նկատմամբ՝ վարորդին տրամադրելով խելացի աջակցություն: Մեքենայի շուրջբոլորը տեղադրված տարբեր ուղղություններով սենսորները, այդ թվում՝ ստերեո տեսախցիկները, մշտապես հսկում են իրավիճակը՝ սկսած կայանման մանևրումներից մինչև բախման կանխարգելում:

Այս վերահսկումը ներառում է հետիոտնի կռահողական հայտնաբերում, որը համատեղ աշխատում է աշխարհում առաջին ակտիվ ղեկակառավարման համակարգի հետ: Եթե ճանապարհին հետիոտն է հայտնվում, և բախումն անխուսափելի է, ապա համակարգն ավտոմատ կերպով արգելակում է և շրջանցում հետիոտնին՝ չշեղվելով երթևեկության գծից: Վարորդը զգուշացվում է Head-Up ցուցադրիչի միջոցով, որը իր 24 դյույմ չափսերով ամենամեծն է աշխարհում և մշտապես տեղյակ է պահում ճանապարհի իրավիճակի մասին:

ՆՈՐ LS-Ը

LEXUS CODRIVE

Lexus CoDrive-ը նույնպես բարձր մակարդակի վարման աջակցություն է ապահովում LS-ում՝ տրամադրելով ղեկակառավարում և խելացի կերպով կռահելով վարորդի մտադրությունները: Արդյունքում վարման շարունակական աջակցությունը մայրուղիների վրա և վստահությունը դարձել են ստանդարտ:

LS-ը գլխավորում է առաջընթացը դեպի Lexus-ի առավել խելացի վարման տեխնոլոգիաներ, որոնք նախագծված են իրավիճակը մշտապես վերահսկելու և անվտանգության հստակ զգացմունք հաղորդելու համար։

ՀԱՅՏՆԱԲԵՐԵՔ ԱՎԵԼԻՆ ՆՈՐ LS-Ի ՄԱՍԻՆ

ՁԵՐ LEXUS-Ը, ՁԵՐ ԳՈՐԾԱՌՈՒՅԹՆԵՐԸ

ԱՆՎՏԱՆԳՈՒԹՅՈՒՆԸ LEXUS-Ի ՇԱՐՔՈՒՄ

ԻՄԱՆԱԼ ԱՎԵԼԻՆ

ՄԵԾԱՑՐԵՔ ՁԵՐ ԴԻՏԱՐԿՉԻ ՊԱՏՈՒՀԱՆԻ ՉԱՓԸ